ਭਾਜੀਆਂ ਮੋੜਦਾ ਖ਼ਾਲਸਾ ਰਿਹਾ ਮੁੱਢੋਂ
ਤੇਰੇ ਵਰਗਿਆਂ ਭੇਖੀ ਲੁਟੇਰਿਆਂ ਨੂੰ
ਖਹਿਣਾ ਬਾਜਾਂ ਨਾਲ ਕਦੇ ਵੀ ਸ਼ੋਭਦਾ ਨਹੀਂ
ਕਾਵਾਂ, ਤਿੱਤਰਾਂ ਅਤੇ ਬਟੇਰਿਆਂ ਨੂੰ
ਕਾਹਨੂੰ ਗੁਰਾਂ ਦੇ ਬਾਣੇ ਨੂੰ ਲਾਜ ਲਾਵੇਂ
ਧੋਤੀ, ਟੋਪੀ ਤੇ ਜਨੇਊ ਲੈ ਧਾਰ ਠੱਗਾ
ਤੂੰ ਤਾਂ ਬਾਹਮਣੀ ਸਰਕਾਰ ਦਾ ਹੱਥ ਠੋਕਾ
ਮਨੂਵਾਦ ਦਾ ਕਰ ਪ੍ਰਚਾਰ ਠੱਗਾ
ਤੇਲ ਪੰਥ ਦੀਆਂ ਜੜ੍ਹਾਂ ʼਚ ਬੜਾ ਪਾਇਆ
ਤੇਰੇ ਯਾਰ ਜੁੰਡੀ ਦੇ, ਭੇਖੀ ਅਕਾਲੀਆਂ ਨੇ
ਰਲ ਕੇ ਹਿੰਦ ਨਾਲ ਰਹਿੰਦੀ ਕਸਰ ਕੱਢੀ
ਤੇਰੇ ਵਰਗੀਆਂ ਬਿੱਲੀਆਂ ਕਾਲੀਆਂ ਨੇ
ਸੁਮੇਧ ਸੈਣੀ ਜਿਹੇ ਤੇਰੇ ਲੰਗੋਟੀਆਂ ਨੇ
ਬੜੇ ਕੀਤੇ ਨੇ ਅੱਤਿਆਚਾਰ ਇੱਥੇ
ਪੁੱਤ ਮਾਵਾਂ ਦੇ ਹਜਾਰਾਂ ਈ ਸ਼ਹੀਦ ਕੀਤੇ
ਕਈ ਲਾਪਤਾ ਸਿੰਘ ਸਰਦਾਰ ਇੱਥੇ
ਥਾਪੜਾ ਪੰਥ ਦੇ ਦੁਸਮਣਾ ਦਿੰਦੇ ਰਹਿਣਾ
ਕਾਤਲਾਂ, ਬੇਗੈਰਤਾਂ, ਬੱਜਰ-ਕੁਰਹਿਤੀਆਂ ਨੂੰ
ਖਿਤਾਬ 96 ਵੇਂ ਕਰੋੜੀ ਵੀ ਮਿਲੀ ਜਾਣੇ
ਤੇਰੇ ਵਰਗਿਆਂ ਨਸ਼ਈ ਬਲੈਕੀਆਂ ਨੂੰ
ਪਰ ਜਦੋਂ ਖ਼ਾਲਸਾ ਦਰਬਾਰ ਦੀ ਗੱਲ ਚੱਲੀ
ਪਾਈ-ਪਾਈ ਦਾ ਲਵਾਂਗੇ ਹਿਸਾਬ ਠੱਗਾ
ਬੜੀਆਂ ਇੱਜਤਾਂ ਨਿਲਾਮ ਤੂੰ ਕੀਤੀਆਂ ਨੇ
ਬਥੇਰਾ ਲੁੱਟ ਲਿਆ ਤੂੰ ਪੰਜਾਬ ਠੱਗਾ
ਕਰਕੇ ਕਬਜੇ ਗੁਰਾਂ ਦੇ ਧਾਮਾਂ ਉਤੇ
ਕਰ ਲਈਆਂ ਨੇ ਬੜੀਆਂ ਮਨਮਾਨੀਆਂ ਤੂੰ
ਕੋਹੇ ਰਾਹਗੀਰ ਤੂੰ ਕੇਸਰੀ ਕਾਫ਼ਲੇ ਦੇ
ਦਫ਼ਨ ਕੀਤੀਆਂ ਕਈ ਜੁਆਨੀਆਂ ਤੂੰ
ਪੰਥ ਖ਼ਾਲਸੇ ਨੇ ਕਿਸੇ ਨੂੰ ਬਖ਼ਸਿਆ ਨਈਂ
ਭਾਵੇਂ ਕੋਈ ਵੀ ਹੋਵੇ ਸਰਕਾਰ ਠੱਗਾ
ਫ਼ਲ ਭੁਗਤ ਲਏ ਭੇਖੀਆ ਕੀਤੀਆਂ ਦੇ
ਹੁਣ ਚੁੱਕ ਲਈ ਅਸੀਂ ਤਲ਼ਵਾਰ ਠੱਗਾ
