ਦੋ ਗਲਾਂ ਲਈ ਸਿੱਖ ਦਾ ਸਿਰ ਬਣਿਆ
ਆਰਿਆਂ ਲਈ ਜਾਂ ਸਰਦਾਰੀਆਂ ਲਈ
ਬਾਗੀ ਅਤੇ ਸ਼ਹੀਦ
ਇੱਕ ਸਿੱਕੇ ਦੇ ਦੋ ਪਾਸੇ
ਤਖਤ ਦਿੱਲੀ ਦਾ ਹੋਵੇ ਭਾਵੇਂ ਲੰਡਨ ਦਾ ਹੋਵੇ
ਫੇਸਲੇ ਸਾਡੇ ਖਿਲਾਫ ਹੀ ਆਏ ਮੀਆਂ
‘ਕਰਤਾਰ ਸਿੰਘ’ ਹੋਵੇ ਭਾਵੇਂ ‘ਕਿਹਰ ਸਿੰਘ’
ਹਮੇਸ਼ਾਂ ਫਾਂਸੀ ਤੇ ਸਿੱਖ ਲਟਕਾਏ ਮੀਆਂ
ਕਤਲ ‘ਸਾਂਡਰਸ’ ਦਾ ਹੋਵੇ ਭਾਵੇਂ ‘ਵੈਦਯਾ’ ਦਾ
ਦੋਸ਼ੀ ਗੁਰੂ ਕੇ ਲਾਲ ਈ ਬਣਾਏ ਮੀਆਂ
ਸ਼ਹੀਦ ਹੋਣ ਤੋਂ ਪਹਿਲਾਂ ਇਸ ਦੁਨਿਆਂ ਤੇ
‘ਸ਼ਹੀਦ’ ਅਕਸਰ ਹੀ ‘ਬਾਗੀ’ ਅਕਵਾਏ ਮੀਆਂ
ਫਰੰਗੀਆਂ ਦੇ ਰਾਜ ਵਿਚ ਜਿਹੜੇ ਸੀ ਵੱਖਵਾਦੀ
ਅਸੀਂ ਉਹੀ ਸ਼ਹੀਦ ਬਣਾਏ ਮੀਆਂ
‘ਸੁਖਦੀਪ ਸਿੰਘਾਂ’ ਉਏ ਰਾਜ’ ਚ ਔਰੰਗਿਆ ਦੇ
‘ਕਲਗੀਧਰ’ ਜਿਹੇ ਵੀ ‘ਬਾਗੀ’ ਅਕਵਾਏ ਮੀਆਂ
(ਸੁਖਦੀਪ ਸਿੰਘ ਬਰਨਾਲਾ)
ਚਲਦਾ...
