'ਰੋਜ਼ਾਨਾ ਸਪੋਕਸਮੈਨ' ਅਖਬਾਰ ਵੱਲੋਂ ਸਰਕਾਰੀ ਇਸ਼ਤਿਹਾਰ ਨਾ ਮਿਲਣ ਕਾਰਨ ਤਰਲੇ
14 ਮਾਰਚ ਦੇ 'ਰੋਜ਼ਾਨਾ ਸਪੋਕਸਮੈਨ' ਵਿਚ ਐਡੀਟੋਰੀਅਲ ਲੇਖ ਸ੍ਰ: ਜੋਗਿੰਦਰ ਸਿੰਘ ਵਲੌਂ ਲਿਖਿਆ ‘ਕੀ ਸਰਕਾਰੀ ਇਸ਼ਤਿਹਾਰਾਂ ਬਗ਼ੈਰ ਰੋਜ਼ਨਾ ਅਖਬਾਰ ਚੱਲ ਸਕਦਾ ਹੈ?’ ਪੜ੍ਹਿਆ ਤੇ ਇਸ ਤਰ੍ਹਾਂ ਮਹਿਸੂਸ ਹੋਇਆ ਜਿਵੇ ਮਾਇਆ ਦਾ ਗੁਲਾਮ ਇਨਸਾਨ ਮਾਇਆ ਬਦਲੇ ਲੇਲੜੀਆਂ ਕੱਢ ਰਿਹਾ ਹੋਵੇ। ਅਖ਼ਬਾਰ ਦੀ ਨਿਡਰਤਾ, ਨਿਰਪੱਖਤਾ ਨੂੰ ਕਿਸੇ ਵੀ ਹਕੂਮਤ ਸਹਾਰੇ ਕਾਇਮ ਨਹੀਂ ਰੱਖਿਆ ਜਾ ਸਕਦਾ। ਸਮਾਜ, ਕੌਮ ਅਤੇ ਧਰਮ ਦੀ ਗੱਲ ਕਰਨ ਵਾਲੀਆ ਅਖ਼ਬਾਰਾ ਅਤੇ ਆਜ਼ਾਦੀ ਪੱਖੀ ਸੋਚ ਦੇ ਇਨਕਲਾਬੀ ਆਗਆਂੂ ਨੂੰ ਕੁੱਚਲਣ ਲਈ ਹਕੂਮਤਾਂ ਹਰ ਵੇਲੇ ਤਤਪਰ ਰਹਿੰਦੀਆ ਹਨ। ਪਰ ਜਦੋਂ ਇਹ ਅਖਬਾਰ ਅਤੇ ਇਨਕਲਾਬੀ ਆਗੂਆਂ ਨੂੰ ਹਕੂਮਤ ਖਰੀਦ ਲੈਂਦੀ ਹੈ। ਉਸ ਤੋਂ ਬਾਅਦ ਉਨ੍ਹਾਂ ਦੀ ਹੋਂਦ ਖ਼ਤਮ ਕਰ ਦਿੱਤੀ ਜਾਂਦੀ ਇਸ ਲਈ ਉਨ੍ਹਾਂ ਵਿਚ ਕੋਈ ਵੀ ਸਪਸ਼ਟ ਗੱਲ ਕਹਿਣ ਦਾ ਜ਼ੇਰਾ ਨਹੀਂ ਰਹਿੰਦਾ। ਅਸੀਂ ਸਾਡੀ ਵੈਬਸਾਈਟ ਰਾਹੀ ਕਈ ਵਾਰ ਸਪੋਕਸਮੈਨ ਦੀਆਂ ਪਰੰਪਰਾਵਾਂ ਨੂੰ ਕਾਇਮ ਰੱਖਣ ਲਈ ਸ੍ਰ: ਜੋਗਿੰਦਰ ਸਿੰਘ ਨੂੰ ਬੇਨਤੀ ਵੀ ਕਰ ਚੁੱਕੇ ਹਾਂ ਕਿ ਤੁਸੀ ਆਪਣੇ ਅਖਬਾਰ ਨੂੰ ਲੋਕਾਂ ਦੀ ਅਵਾਜ਼ ਬਣਾਕੇ ਰਖੋ। ਪਰ ਸਾਬਕਾ ਚੀਫ ਮਨਿਸਟਰ ਕੈਪਟਨ ਅਮਰਿੰਦਰ ਸਿੰਘ ਤੋਂ ਸਰਕਾਰੀ ਇਸ਼ਤਿਹਾਰ ਪ੍ਰਾਪਤ ਕਰਨ ਲਈ ਸਿੱਖ ਕੌਮ ਦੀ ਕਾਤਿਲ ਜਮਾਤ ਕਾਂਗਰਸ ਦੇ ਹੱਕ ਵਿਚ ਇਲੈਕਸ਼ਨਾ ਤੋ ਪਹਿਲਾ ਅਤੇ ਇਲੈਕਸ਼ਨਾਂ ਦੌਰਾਨ ਨੰਗਾ ਚਿੱਟਾ ਕੀਤਾ ਪ੍ਰਚਾਰ ਕਿਹੜੀ ਸਿੱਖ ਕੌਮ ਦੀ ਸੇਵਾ ਸੀ ? ਇਸ ਦੇ ਉਲਟ ਸਿੱਖ ਕੌਮ ਦੀ ਅਜ਼ਾਦੀ ਲਈ ਗੱਲ ਕਰਨ ਵਾਲੇ ਸ੍ਰ: ਸਿਮਰਨਜੀਤ ਸਿੰਘ ਮਾਨ ਦੀਆਂ ਖਬਰਾ ਅਤੇ ਨੀਤੀ ਬਿਆਨਾਂ ਨੂੰ ਬਿਲਕੁਲ ਨਜ਼ਰਅੰਦਾਜ ਕਰ ਦਿੱਤਾ ਸੀ। ਅਖਬਾਰ ਦੀ ਇਸ ਨੀਤੀ ਦੇ ਕਾਰਣ ਅੱਜ ਪੰਜਾਬ ਦੀ ਸਿਆਸਤ ਤੇ ਹਿਦੂੰਤਵ ਪੱਖੀ ਸ਼ਕਤੀਆਂ ਭਾਰੂ ਹੋ ਗਈਆ। ਦਸਮ ਗ੍ਰੰਥ ਬਾਰੇ ਕੀਤਾ ਕੂੜ ਪ੍ਰਚਾਰ ਵੀ ਹਿੰਦੂਤਵ ਨੂੰ ਮਜ਼ਬੂਤ ਕਰਨ ਵਾਲੀ ਪਾਲਿਸੀ ਸੀ। ਜਦਕਿ ਕੋਈ ਸਿੱਖ ਦਸਮ ਗ੍ਰੰਥ ਨੂੰ ਆਪਣਾ ਗੁਰੂ ਨਹੀਂ ਮਨਦਾ ਫਿਰ ਇਹ ਬੇਲੋੜਾ ਵਿਵਾਦ ਕਿਉਂ? ਹੁਣ ਜਦੋਂ ਸਰਕਾਰ ਬਦਲ ਗਈ ਹੈ, ਜਿਸ ਤਰ੍ਹਾਂ ਕੈਪਟਨ ਅਮਰਿੰਦਰ ਸਿੰਘ ਕੋਲੋ ਸਰਕਾਰੀ ਸਹਿਯੋਗ ਪ੍ਰਾਪਤ ਕਰਕੇ ਧੰਨ ਦੇ ਖੁਲ੍ਹੇ ਗੱਫੇ ਪ੍ਰਾਪਤ ਕੀਤੇ ਤੇ ਉਹੀ ਉਮੀਦ ਸ੍ਰ: ਪ੍ਰਕਾਸ਼ ਸਿੰਘ ਬਾਦਲ ਕੋਲੋ ਲਗਾਉਣੀ ਮੂਰਖਤਾ ਨਹੀਂ ਤਾਂ ਹੋਰ ਕੀ ਹੈ ? ਸੋ ਸਤਿਕਾਰਯੋਗ ਜੋਗਿੰਦਰ ਸਿੰਘ ਜੀ ਮਿੰਨਤਾਂ,ਤਰਲੇ, ਹਾੜੇ ਅਤੇ ਲੇਲੜੀਆਂ ਕੱਢਣ ਦੀ ਆਦਤ ਬੰਦੇ ਦੀ ਜ਼ਮੀਰ ਖਤਮ ਕਰ ਦਿੰਦੀ ਹੈ ਜੇਕਰ ਜ਼ਮੀਰ ਜਿੰਦਾ ਹੋਵੇ ਤਾਂ ਦੁਨੀਆਂ ਦੀ ਕੋਈ ਵੀ ਸ਼ਕਤੀ ਤੁਹਾਡੀ ਅਣਖ਼, ਗੈਰਤ ਨੂੰ ਚੈਲਿੰਜ ਨਹੀਂ ਕਰ ਸਕਦੀ।
ਜਿਥੋ ਤੱਕ ਮਾਇਆ ਦਾ ਸਵਾਲ ਹੈ। ਤੂਹਾਨੂੰ ਗਰੀਬ ਸਿੱਖਾਂ ਅਤੇ ਵਿਦੇਸ਼ਾਂ ਵਿਚ ਵਸਦੇ ਪੰਜਾਬੀਆਂ ਨੇ ਦਿਲ ਖੋਲ ਕੇ ਜਿਵੇਂ ਪਹਿਲਾ ਤੁਹਾਡੀ ਇਮਦਾਦ ਕੀਤੀ ਹੈ ਉਸੇ ਤਰ੍ਹਾ ਉਹ ਤੂਹਾਨੂੰ ਹੋਰ ਵੀ ਮਾਇਆ ਦੇ ਸਕਦੇ ਹਨ ਜੇਕਰ ਤੁਸੀਂ ਆਪਣੀ ਜ਼ਮੀਰ ਨੂੰ ਮਾਰ ਕੇ ਹਿੰਦੂਤਵ ਦੇ ਪਿਆਦੇ ਨਾ ਬਣੋ ਮਾਇਆ ਦੀ ਕੋਈ ਕਮੀ ਨਹੀਂ ਰਹੇਗੀ, ਸਾਡੀ ਬੇਨਤੀ ਹੈ ਕਿ ਆਪਣਾ ਕਿਰਦਾਰ ਸਾਫ ਰੱਖੋ ।
ਸਾਨੂੰ ਬੜੀ ਖੁਸ਼ੀ ਹੈ ਕਿ ਸਪੋਕਸਮੈਨ ਹੁਣ ਜਦੋਂ ਇਸ ਦੇ ਹੱਥ ਵਿਚੋਂ ਤਾਕਤ ਕਾਂਗਰਸ ਦੇ ਹਾਰ ਜਾਣ ਕਾਰਨ ਨਿਕਲ ਗਈ ਹੈ। ਹੁਣ ਪੰਥ ਦੀਆਂ ਗੱਲਾਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ ਹਨ ਅਸੀਂ ਪੰਥਕ ਖੇਤਰ ਵਿਚ ਇਸ ਗੱਲ ਨੂੰ ਸ਼ੁਭ ਸ਼ਗਨ ਮੰਨਦੇ ਹਾਂ । ਪਰ ਜੋ ਗੁਰਬਖਸ਼ ਸਿੰਘ ਕਾਲਾ ‘ਅਫਗਾਨਾ’ ਸ. ਇੰਦਰ ਸਿੰਘ ਘੱਗਾ ਅਤੇ ਸ. ਗੁਰਤੇਜ ਸਿੰਘ ਆਈ. ਏ. ਐਸ ਦੀ ਸੋਚ ਨਾਲ ਜੋ ਸਿੱਖੀ ਵਿਚ ਭੰਨਤੋੜ ਕੀਤੀ ਜਾ ਰਹੀ ਹੈ ਇਸ ਬਾਰੇ ਆਪਣੇ ਵਿਚਾਰ ਸ਼ਪਸ਼ਟ ਕਰਨ ਤੋਂ ਬਾਅਦ ਹੀ ਅਸੀਂ ਪਾਰਟੀ ਵੱਲੋਂ ਪੰਥਕ ਮਸਲਿਆਂ ਬਾਰੇ ਆਪਣੀ ਰਾਇ ਦੇ ਸਕਦੇ ਹਾਂ। ਕਿੳਂਕਿ ਸਾਨੂੰ ਪਿਛਲਾ ਇਤਹਾਸ ਅਜੇ ਭੁਲਿਆ ਨਹੀਂ, ਜਦੋਂ ਹਿੰਦ ਹਕੂਮਤ ਨੇ ਸਿੱਖੀ ਨੂੰ ਕਮਜ਼ੋਰ ਕਰਨ ਲਈ ਨਿਰਕਾਰੀਆਂ ਦਾ ਅਖੋਤੀ ਬਾਬਾ ਗੁਰਬਚਨਾ ਲੱਭ ਕੇ ਉਸ ਰਾਹੀਂ ਗੁਰਬਾਣੀ ਨੂੰ ਤੋੜ ਮਰੋੜ ਕੇ ਪੇਸ਼ ਕਰਨ ਦੀ ਮਹਿੰਮ ਦਾ ਸਾਥ ਆਪਣੇ ਹੱਥ ਠੋਕੇ ਹਿੰਦੂਤਵ ਪੱਖੀ ਲਾਲਾ ਜਗਤ ਨਰਾਇਣ ਨੇ ਆਪਣੀ ਅਖਬਾਰ ਜੱਗਬਾਣੀ ਰਾਹੀਂ ਦਿੱਤਾ ਸੀ। ਹੁਣ ਵੀ ਹਿੰਦ ਹਕੂਮਤ ਸਾਡੇ ਸੱਭਿਆਚਾਰ, ਸਿਆਸਤ ਅਤੇ ਧਰਮ ਨੂੰ ਸਪੋਕਸਮੈਨ ਤੇ ਅਜੀਤ ਰਾਹੀਂ ਸਿੱਖ ਧਰਮ ਬਾਰੇ ਭਰਮ ਭੁਲੇਖੇ ਪਾਏ ਜਾ ਰਹੇ ਹਨ। ਅਸੀਂ ਸੰਗਤਾਂ ਨੂੰ ਬੇਨਤੀ ਕਰਦੇ ਹਾਂ ਕਿ ਅੱਗੇ ਤੋਂ ਜੇਕਰ ਕੋਈ ਵੀ ਨਵੀਂ ਪੰਜਾਬੀ ਅਖਬਾਰ ਨਿਕਲੇਗੀ ਉਸ ਬਾਰੇ ਇਹ ਜਰੂਰ ਘੋਖ ਲਿਆ ਜਾਵੇ ਕਿ ਇਸ ਦੀਆਂ ਤਾਰਾਂ ਕਿਤੇ ਸਿੱਖ ਵਿਰੋਧੀ ਤਾਕਤਾਂ ਕੋਲ ਤਾਂ ਨੀ ਹਿਲਦੀਆਂ । ਸਾਡੀ ਸੰਗਤਾਂ ਨੂੰ ਇਹ ਵੀ ਤਜਵੀਜ ਹੈ ਕਿ ਬਾਹਰਲੇ ਮੁਲਕਾਂ ਵਿਚ ਵਸਦੇ ਆਜ਼ਾਦੀ ਪੱਖੀ ਸੋਚ ਦੇ ਸਿੱਖ ਕੋਈ ‘ਨਵਾਂ ਮੀਡੀਆ’ ਸੈਟੈਲਾਈਟ ਰਾਹੀਂ ਚਲਾਉਣ ਦੀ ਕੋਸਿ਼ਸ਼ ਕਰਨ ਜਿਸ ਤੇ ਹਿੰਦੂਤਵ ਦਾ ਕੋਈ ਪ੍ਰਭਾਵ ਨਾ ਹੋਵੇ । ਤਾਂ ਜੋ ਸਿੱਖ ਧਰਮ, ਸਿੱਖ ਸਿਧਾਂਤ ਅਤੇ ਸਿੱਖ ਸਿਆਸਤ ਨੂੰ ਸਹੀ ਲੀਹਾਂ ਤੇ ਚਲਾਇਆ ਜਾ ਸਕੇ।
ਪੰਜਾਬ ਦੀ ਵਜ਼ਾਰਤ ਵਿਚ ਸ. ਬਰਜਿੰਦਰ ਸਿੰਘ ਹਮਦਰਦ ਨੇ ਆਪਣੇ ਨੁਮਾਇੰਦੇ ਸ. ਬਿਕਰਮਜੀਤ ਸਿੰਘ ਮਜੀਠੀਆਂ ਨੂੰ ਸੂਚਨਾ (ਇਨਫੋਮੇਸ਼ਨ) ਦਾ ਵਜ਼ੀਰ ਵਜ਼ੀਰ ਬਣਾ ਲਿਆ ਹੈ ਤਾਂ ਜੋ ਉਸ ਤੋਂ ਤਕੜੀ ਇਸ਼ਤਿਹਾਰਬਾਜ਼ੀ ਸਰਕਾਰੀ ਖਜਾਨੇ ਤੋਂ ਪ੍ਰਾਪਤ ਕੀਤੀ ਜਾ ਸਕੇ। ਪਰ ਕੀ ਸ. ਬਰਜਿੰਦਰ ਸਿੰਘ ਸਿੱਖ ਸਿਆਸਤ ਨੂੰ ਚੰਗੇ ਅਤੇ ਸੱਚੇ ਢੰਗ ਨਾਲ ਨਾ ਪੇਸ਼ ਕਰਨ ਤੇ ਝੂਠੀ ਮਾਇਆ ਵਿਚ ਮਗਨ ਹੋ ਕੇ ਤੇ ਹਿੰਦ ਹਕੂਮਤ ਦੇ ਪਿਛਲੱਗ ਬਣਕੇ ਆਪਣੀ ਅਖਬਾਰ ਨੂੰ ਕਿਵੇਂ ਸਿੱਖਾਂ ਨਾਲ ਜੋੜੀ ਰੱਖਣਗੇ?
ਬਾਦਲ ਦਲ, ਅਜੀਤ ਅਤੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੋਂ ਹਰਿਆਣੇ ਦੇ ਸਿੱਖਾਂ ਦਾ ਵਿਸ਼ਵਾਸ਼ ਉੱਠ ਗਿਆ ਹੈ ਇਸੇ ਕਾਰਨ ਇਨ੍ਹਾਂ ਖਿਲਾਫ ਇਕ ਲਹਿਰ ਖੜ੍ਹੀ ਹੋ ਗਈ ਹੈ ਇਸ ਲਹਿਰ ਦਾ ਰੰਗ ਪੰਜਾਬ ਵਿਚ ਵੀ ਚੜਨ ਵਾਲਾ ਹੈ। ਸ. ਬਰਜਿੰਦਰ ਸਿੰਘ ਹਮਦਰਦ ਬਾਦਲ ਦਲ, ਬੀਜੇਪੀ ਅਤੇ ਹਿੰਦ ਹਕੂਮਤ ਦਾ ਪੱਖ ਪਸੇ਼ ਕਰਦੇ ਹਨ। ਮੱਲੋਮੱਲੀ ਪੰਜਾਬ ਦੀ ਸਿੱਖ ਸਿਆਸਤ ਤੇ ਸਿੱਖ ਵਿਰੋਧੀ ਇੰਦਰ ਕੁਮਾਰ ਗੁਜ਼ਰਾਲ ਅਤੇ ਉਸ ਦੇ ਪੁੱਤਰ ਨੂੰ ਪੰਜਾਬ ਦੀ ਸਿਆਸਤ ਤੇ ਥੋਪ ਰਹੇ ਹਨ ਜਿਵੇਂ ਕਾਂਗਰਸ ਪੰਜਾਬ ਦੀ ਸਿਆਸਤ ਤੇ ਕੋਈ ਨਵਾਂ ਲਛਮਣ ਸਿੰਘ ਗਿੱਲ ਲੱਭਣ ਦੀ ਤਿਆਰੀ ਕਰ ਰਹੀ ਹੈ ।
ਗੁਰਜੰਟ ਸਿੰਘ ਕੱਟੂ
ਜਰਨਲਿਸਟ
ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)
Views and opinion expressed in guest editorials/columns are of the author and do not necessarily reflect the view or opinion of Panthic.org or Khalsa Press.